Скандал на Вториот канал на Македонската радио-телевизија. Во рамки на детската програма во петокот, беше емитувана песна за „Голема Албанија“ насловена „Албански територии“.
13-годишното девојче, кое ја пееше песната, беше облечено во маица со мапа на „Голема Албанија“. Според стиховите од песната, отворено се пееше за територијални претензии и кон Македонија, и кон Грција, кон Србија, кон Црна Гора…
-Летај, летај, Албанијо, летај, знамето наше се издигнува над земјата“, „Ќе дојде ден кога сите ќе бидеме заедно, зашто сме еден народ, еден сон, една цел“… беа дел од стиховите со јасна порака за обединување на албанските територии. Засега нема реакција од националниот сервис.
