Денес, Централниот совет на Демократски сојуз одржа седница на која се расправаше за геополитичките и безбедносни состојби и рефлексиите врз безбедноста, енергетската и економската стабилност на Македонија. Македонија е мирна, стабилна и безбедна држава, но влијанието на војната во Иран се одразува на енергетската и економската состојба, информира Демократскиот сојуз преку соопштение.
Ваквите состојби бараат соодветни и издржани мерки од страна на Владата, зголемена мобилност на сите институции и единство во државата, како битен предуслов за справување со предизвиците со кои се соочуваме.
Сега не е време за собирање политички поени во „матно“, како и активности кои можат да ја нарушат стабилноста на државата.
Централниот совет на ДС донесе одлука за подготовка на Платформа согласно актуелните и стратешки потреби на Македонија, како и кадровска обнова на централно и локално ниво, избор на ново раководство на Демократски сојуз на жените, младите, како и претседатели на општинските организации на Демократскиот сојуз, до крајот на оваа година.
Кадровската обнова ќе се одвива транспарентно и со отвореност за нови, првенствено млади кадри.
