СДСМ и Венко Филипче шест дена кукавички молчат и не ја демантираат соработката со Зоран Башановиќ и Милјан Шчекиќ. Молкот на СДСМ не е ништо друго, освен директна потврда дека врските постојат. Наместо да излезат пред јавноста и јасно да одговорат, тие се кријат зад демагогија и евтини манипулации, се вели во соопштението од ВМРО-ДПМНЕ.
СДС е заглавен во погрешни и промашени ПР-стратегии диктирани од странски советници, Башановиќ и Шчекиќ го водат СДСМ директно на дното без автентична политика и јасни ставови, СДСМ е тотално без концепт и отуѓен од народот.
ПР-стратегијата што ја следат, под влијание на Башановиќ и Шчекиќ, не само што е промашена, туку ја турка партијата кон политички амбис. Наместо да понудат визија и решенија, тие се занимаваат со интриги и дезинформации.
СДСМ нема капацитет, ниту визија за општествените случувања, само клевети и напади преку неосновани прес-конференции.
СДСМ со неодговорното и недостоинствено однесување ќе доживее дебакл, а Венко Филипче ќе остане запаметен како симбол на неуспехот и распадот на партијата.
Молкот од СДСМ е најгласното признание дека немаат аргументи, концепт и идеи за развој на државата.
