Насилството врз лекарите станува сериозен проблем во македонското здравство. По повод 12 март – Европскиот ден за подигнување на свеста против насилството врз здравствените работници, од Лекарската комора предупредуваат дека ова е „тивка пандемија“ во целиот здравствен систем.
Според нивните податоци, над 70 проценти од докторите во земјава се соочиле со некаква форма на насилство на работното место.
Од Комората бараат итни санкции и поголема заштита за здравствените работници, нагласувајќи дека нападот врз лекар претставува напад врз целиот здравствен систем.
