Очигледна е паниката во редовите на СДСМ по апсењето на екс вицепремиерот Артан Груби. Институциите си ја завршија работата и го доведоа Груби пред лицето на правдата. Криминалецот Груби беше во бегство една година по отворањето постапка за негова вина во случајот со „Државната лотарија“ за проневера на државни пари во вредност од над 8 милиони евра, се посочува во соопштението до ВМРО-ДПМНЕ.
Милионските криминали во „Државна лотарија“ се случувале под покровителство на СДСМ и ДУИ. Додека се злоупотребувале парите на граѓаните, во СДСМ знаеле, молчеле и не реагирале поради коалициски мир со ДУИ за да не им се распадне коалицијата и да останат ден повеќе на власт.
Дали денес нервозата кај Филипче, Заев и СДСМ доаѓа од можноста вистината да излезе на виделина? Дали во СДСМ има паника поради евентуалните искази што би можеле да допрат и до поранешни високи функционери на СДСМ, помеѓу кои и Заев, Филипче, Спасовски, Зечевиќ?
Институциите мора да постапуваат без селективност и без политички притисоци. Секој што го прекршил законот мора да одговара.
Времето на неказнивост заврши, Македонија мора да биде држава во која правдата е еднаква за сите. Владеење на правото и правдата мора да има.
