Филков ги прозва со име и презиме обвинителите и судијата: Не може притворот да е правило за обични луѓе, но не и за Груби!

Министерот за правда Игор Филков жестоко реагираше на одлуката за замена на затворскиот со куќен притвор за Артан Груби. Тој со име и презиме ги прозва јавниот обвинител Даниел Коцев, раководителот на обвинителството Анел Фидоски и судијата од Кривичен, Марин Станевски да објаснат врз основа на кои факти и аргументи е донесена поблага мерка за лице кое 14 месеци било во бегство. Не може притворот да е правило за обични луѓе, но не и за Груби, потенцираше Филков и ги повика Судскиот совет и Советот на јавните обвинители да истражи и утврдат дали има основ за одговорност кај судијата и обвинителите по скандалозната одлука.