Покрај дождот, и снегот создава сериозни проблеми и носи опасност на планинските подрачја. Поради последните обилни врнежи од снег, засилениот ветер и порастот на дневните температури, на територијата на Национален парк Шар Планина е забележано значително зголемување на лавинската опасност.
Најризични се стрмните падини со источна, југоисточна и јужна ориентација, каде што постои зголемена веројатност од активирање лавини.
Од паркот апелираат до посетителите, планинарите и љубителите на зимските спортови да се движат внимателно во планински услови, да избегнуваат ризични и стрмни терени и задолжително да користат соодветна безбедносна опрема.
