Основното јавно обвинителство Струга отвори предмет по информациите за енормно загадување на водата за пиење во Струга. Истрагата треба да ги утврди причините за загадувањето и дали се сторени кривични дела против животната средина и природата.
Во координација со МВР издадена е наредба за увид на изворите во селото Шум, од каде што градот се снабдува со вода. На терен ќе присуствуваат и инспекциски служби од областа на животната средина, како и претставници од Агенцијата за храна и ветеринарство и Центарот за јавно здравје. Најавени се и дополнителни проверки.
Во меѓувреме, директорот на ЈП „Водовод“ поднесе оставка од морални причини по петдневната криза со загадената вода.
