Во индустриската зона во Општина Куманово во тек е значаен инфраструктурен проект вреден повеќе од 210 милиони денари, финансиран од Владата преку Министерството за транспорт и врски, информираше премиерот Христијан Мицкоски.
Проектот опфаќа изградба на водоводна мрежа, фекална и атмосферска канализација, како и изградба на дел од внатрешните сообраќајници. Дополнително, предвидено е воспоставување режим на сообраќај, поставување сообраќајна сигнализација и јавно осветлување на дел од внатрешните улици во индустриската зона.
Со реализацијата на овој инфраструктурен зафат, индустриската зона во Куманово ќе добие подобрена инфраструктурна основа, зголемена функционалност и подобри услови за привлекување нови инвестиции, што се очекува да придонесе за развој на локалната економија, напиша Мицкоски на Фејсбук.
Видеото може да го погледнете на следниот линк:
