Модерна мобилна мрежа, милионски инвестиции, квалитетни услуги и поволни цени – ова е стратегијата на „Оне Македонија“, која официјално го означи влезот на македонскиот пазар. Третиот мобилен оператор има амбициозен план не само во делот на услугите кон граѓаните, туку и кон бизнисот. Целата инвестиција ќе тежи најмалку 100 милиони евра.
Од „Оне Македонија“ порачуваат дека имаат многу што да понудат за македонските граѓани. Претседателот на бордот на директори, Пал Заранди, во ексклузивно интервју за Алфа ги советува македонските граѓани да размислат пред да потпишуваат долгорочни договори со постојните мобилни оператори и да почекаат на нивните понуди, кои, вели, ќе бидат доста атрактивни и поволни.
