Вкупно 341 интервенција имала Противпожарната во Кавадарци минатата година, информираше попладнево, командирот на Територијалната противпожарна единица, Александар Чадамов.
-Во 35 случаи интервениравме на внатрешен, затворен простор. Вкупно 155 пати гасневме пожар на отворен простор – сува трева, шамак, шума. Беа запалени 36 оџаци. Во 41 случај гореа контејнери. Технички интервениравме во 74 случаи, појасни Чадамов.
Командирот на Противпожарната служба во Кавадарци апелираше до населението за поголема внимателност. Тој алармираше во овој период од годината особено да се внимава на грејните тела и редовно да се чистат оџаците и димните канали.
