Пред почетокот на второто полугодие, грипот и сезонските респираторни инфекции се во полн ек, а здравствените власти и лекарите упатуваат апел до граѓаните, особено до родителите и учениците, да бидат крајно внимателни. Бројот на заболени секојдневно расте, а најпогодени се децата од училишна возраст.
Лекарите посочуваат дека периодот на инкубација на грипот трае неколку денови, што значи дека вирусот се шири и пред да се појават првите симптоми. Токму затоа, секој што ќе почувствува симптоми како покачена телесна температура, кашлица и болки во грлото, треба да остане дома и да не оди на училиште или работа.
