Православните христијани кои се водат според Јулијанскиот календар вечерва ја пречекуваат Старата Нова година, која започнува утре, на Василица. Многу македонски семејства ја празнуваат Василица како домашна слава, а оние кои го носат името на Свети Василиј Велики го одбележуваат својот именден.
На семејната трпеза се крши погача со паричка, а се верува дека оној кому ќе му падне, годината ќе му биде среќна и бериќетна.
Претседателот на Владата, Христијан Мицкоски, од Кичево, на традиционалниот василичарски коктел им посака здравје, успех и благосостојба на сите граѓани и во секој дом, порачувајќи дека Василица е симбол на нови почетоци, заедништво и надеж.
