Градоначалникот на Скопје, Орце Ѓорѓиевски денеска во Министерството за надворешни работи и надворешна трговија остарил средба со шефот на дипломатијата Тимчо Муцунски, посветена на координацијата околу претстојната институционална презентација во Брисел за Скопје – Европска престолнина на културата 2028.
-Скопје кон Европа! Заедничка стратегија за презентацијата во Брисел – „Скопје – Европска престолнина на културата 2028”. Денес во Министерството за надворешни работи остваривме продуктивна и стратешки важна средба со министерот Тимчо Муцунски и министерот за култура Зоран Љутков, целосно посветена на координацијата околу претстојната институционална презентација во Брисел за Скопје – Европска престолнина на културата 2028, објави градоначалникот на Фејсбук.
Тој посочи дека оваа средба е јасен сигнал дека имаат план и дека работат синхронизирано, со чиста визија и енергија.
Објавата може да ја погледнете на следниот линк:
-Зацврстуваме стратегија, градиме прецизна комуникација и создаваме заеднички фронт со европските партнери, затоа што Скопје заслужува да биде претставено силно, достоинствено и современо. Со ова покажуваме и дека сме целосно посветени на процесите, на целите и на европските стандарди што ни се водилка, истакна Ѓорѓиевски.
Тој нагласи дека нивната задача е јасна: „Скопје да го поставиме високо на европската културна мапа, таму каде што му е местото“.
-Продолжуваме активно, одговорно и со обединета визија. Го зајакнуваме патот на Скопје кон европските практики и ја вреднуваме нашата културна иднина со работа, со посветеност и со верба дека оваа приказна ќе биде успешна и препознатлива. Скопје 2028 е иднината што ја градиме заедно, објави Ѓорѓиевски.
