Јавното обвинителство информира дека изборниот ден помина без поголеми нарушувања на изборниот процес, а до нив во текот на денешниот ден е доставено само едно известување на подрачјето на Шуто Оризари за фотографирање на гласачко ливче.
-Привремената Комисија на Јавното обвинителство за следење на евентуални кривични дела поврзани со изборниот процес во текот на денешниот ден го следеше вториот круг од гласањето на локалните избори, а во јавните обвинителства беа организирани вонредни дежурства со цел навремена координација и давање насоки за постапување на надлежните органи. Изборниот ден помина без поголеми нарушувања на изборниот процес, а до јавното обвинителство во текот на денешниот ден е доставено само едно известување на подрачјето на Шуто Оризари за фотографирање на гласачко ливче. Итно се дадени насоки за документирање на настанот кој претставува прекршок, стои во соопштението од Обвинителство.
Оттаму дополнуваат дека Комисијата останува активна до целосно завршување на изборниот процес, а граѓаните кои имаат сомнежи за евентуални кривични дела поврзани со изборите можат да поднесат пријава во најблиското јавно обвинителство или преку електронската адреса: [email protected].
