Македонската академија на науките и уметностите со децении претставува симбол на интелектуалниот и духовниот развој на нацијата, објави градоначалникот на општина Кисела Вода и кандидат за градоначалник на Скопје од редовите на ВМРО-ДПМНЕ Орце Ѓорѓиевски, кој денеска присуствуваше на свеченото одбележување на Денот на МАНУ. Ѓорѓиевски потенцира дека со својот научен и уметнички интегритет, МАНУ останува чувар на македонскиот јазик, култура, идентитет и соживотот меѓу различните заедници во земјава.
-Нека е честит Денот на МАНУ! На покана на претседателот на МАНУ, академик Живко Попов, денес имав чест да присуствувам на одбележувањето на овој значаен ден за македонската наука и уметност, напиша Ѓорѓиевски на својот Фејсбук профил.
Тој додава дека „со својот научен и уметнички интегритет, МАНУ останува чувар на македонскиот јазик, култура, идентитет и соживотот меѓу различните заедници во Македонија“.
-Особено ми беше задоволство што бев меѓу истакнати претставници на научната фела од нашата земја и од регионот, со кои поразговаравме за бројни теми од интерес на иднината на Скопје, наведува тој.
-Упатувам искрени честитки до овогодинешните добитници на меѓународното признание „Блаже Конески“, Емилио Марин и Ивица Баковиќ. Честит празник за сите членови и соработници на МАНУ!, додава Ѓорѓиевски во својата објава на Фејсбук.
