Некои се уште гледаат филмови од пред воената 2001-ва година, меѓутоа тоа сценарио во 2025-та нема да го видат, вели вицепремиерот и кандидат за градоначалник на Чаир од Вреди, Изет Меџити. Според него во Македонија по долги години, конечно можеме да видиме вистински соживот меѓу Македонците, Албанците и сите други етнички заедници, а Владата ќе продолжи да работи за доброто на сите граѓани во државата.
” Некои гледаат филмови пред 2001-ва, тој филм веќе не е во оптек и ова не е предмет на дебата. Охридскиот договор и бадентер се основата и темелите на новата Македонија, така да во овој дух Владата работи, така да тоа не е тема на дебата. Се друго е дневна политика и во фокус на следните локални избори.” – изјави Изет Меџити, кандидат за градоначалник на Чаир од Вреди.
Велејќи дека го заштитил македонскиот јазик, кандидатот за градоначалник на ДУИ за Чаир и поранешен прв дипломат Бујар Османи, вели дека тие ја воделе државата на некаков европски пат. Повикувјќи да се потпише меѓупартиски договор и да нема препукувања во однос на евроинтеграциите, тој одговори на понудата на лидерот на СДСМ, Венко Филипче да се изгласа заедничка резолуција за македонските црвени линии.
Според него партиите на оваа тема не требало да се критикуваат меѓу себе, ниту да се напаѓаат, туку заеднички да ја преземеле одговорноста.
“Покажавме дека нашата цел е да направиме унифицирање со цел да спречиме државата да скршне од европскиот пат, државата да скршне од европските вредности и да влезе во рускиот свет. Значи никогаш немало вакво окрупнување на заедниците во една алијанса и оваа битка ќе биде битка меѓу граѓаните кои што се за Европа и проектот, експериментот на премиерот Мицкоски, кој што се обудва да редизајнира и реконфигурира албанската политичка сцена по волјата на белата палата.” – изјави Бујар Османи, кандидат за градоначалник на Чаир од ДУИ.
Инаку, според претседателот на СДСМ, Филипче, мораме да останеме на она што веќе го прифати претходната власт предводена од Димитар Ковачевски, каде министер за надворешни работи беше Бујар Османи, односно францускиот предлог. Според него веќе сме го прифатиле затоа што бил подготвен од Европската Унија и друга шанса немало да имаме.
