Македонија со мали но цврсти чекори се движи кон патеката на држава која беше препознатлива по производството и звозот на земјоделски производи. Во овој правец оди и податокот од Државниот завод за статистика дека во вториот квартал од годнинава производството на земјоделски производи е зголемено за 60 милиони евра. Премиерот Мицкоски, задоволен од податоците, информираше дека параелно со зголеменото произвоство, расте и откупот.
“Во вториот квартал имаме околу 60 милиони евра повеќе споредено со она што беше во минатото. Имаме над 26-27% повеќе откупени земјоделски производи споредено со истиот период минатата година кои што како количина се за 7% повеќе споредено со истиот период лани.” – изјави премиерот Христијан Мицкоски.
Земјоделците остануваат еден од приоритетите на македонската влада. Премиерот вели дека поддршката за нив од почетокот на мандатот на владата – ќе продолжи, затоа што производството на храна е исклучително важно.
“Земјоделците се еден од приоритетите на оваа Влада, тоа го покажавме изминативе 14 месеци. И очекувам во таа насока да продолжиме и во иднина затоа што производството на храна ни е исклучително важно. Колку повеќе произведуваме, толку помалку увезуваме. Македонија во минатото беше позната како земја производител и извозник на храна, посебно на земјоделски производи. Така и ќе продолжиме во иднина.”- изјави премиерот.
Зголемениот раст на откупот на земјоделски производи доведува и до раст на добивката на земјоделците. Истовремено надлежните не застануваа тука, туку прават се за промоција на домошното производство. Во тек е кампањата „Македонско најдобро“, со која ќе се разликуваат домашните од увозните производи. Домашните јаболка, домати и компири , ќе добијат своја „лична карта“ на полиците во маркетите. Во Министерот за земјоделство се оптимисти дека со обележувањето на македонското овошје, зеленчук, јајца и конзервирани прехранбени производи во маркетите ќе се стабилизираат цените и ќе се зголеми производството на храна.
