Не поминаа предлог измените на Изборниот законик со кои требаше да се интервенира во прагот на потребните потписи за независните листи. Владејачкото мнозинство прво предложи прагот да биде 0,95%, а преку амандмани на опозициската Левица на Комисиската расправа тој праг се намали на 0,5%. Сепак, на пленарната седница, и покрај тоа што гласаа мнозинство од пратениците, го немаше потребното бадентерово мнозинство.
Пред гласањето, координаторот на пратеничката група на ВМРО-ДПМНЕ, Никола Мицевски рече дека ова е обид за појасни фер и трансарентни изборни правила за овие избори.. Европскиот фронт пак порача дека нема да ги поддржи измените.
Со ова решение се обидуваме да ја пополниме оваа правна празнина по одлуката на Уставниот суд за укинување на членови од Изборниот законик каде што е предвиден број/процент на потписи за предлагање листи на група избирачи, за да се воведат одредени јасни правила за собирање потписи за кандидатури за градоначлници и советици од страна група избирачи за да бидат фер и еднакви условите во секоја општина поддеднакво. Нагласувам и најавувам дека ова е времено решение за овие избори и оти работата на конечниот Изборен законик ќе биде со вклучување на Министерството за правда, сите релевантни политички структури, политички партии, невладини организации и експерти за носење на долгорочно и одржливо речение, рече Мицевски образложувајќи го предложеното законско решение.
По гласањето Мицевски реагираше дека на ДУИ не им е грижа за неазвисните кандидати и дека тераат политика во која тие се жртвите. Вели дека мнзинството покажало дека не им е важен процентот, туку процесот.
Сега на потег е ДИК да донесе нов правилник. Претходно највисокото изборно тело на седница во саботата усвои заклучок вон сила да се стави Упатството на ДИК од 2024 за регулирање на постапката за собирање потписи и начинот на определување на нотарите согласно Изборниот законик. Како што рече претседателот на ДИК Борис Кондарко, тоа упатство за регулирање на постапката за собирање потписи се става вон сила поради одлуката на Уставниот суд со која се укинати членови 61 и 62 од Изборниот законик каде што е предвиден број/процент на потписи за предлагање листи на група избирачи.
