Проневерени милиони евра, народни пари од државни институции, министерства, јавни претпријатија од страна на поранешни функционери. Државните ревизори со месеци алармираат за сериозни злоупотреби на парите на граѓаните во 2023 година кои наместо за подобрување на здравството, образованието или инфраструктурата, завршуваат праку сомнителни тендери, во нечии џебови. И покрај алармантните извешати на ревозорите обвинителство молчи. Премиерот Христијан Мицкоски предурпедува дека додека републички обвинител е Љупчо Коцевски, борбата пторив корупцијата и криминалот ќе тапка во место. Според неговите сознанија, имало стотици пријави доставени од институциите до Обвинителството, но нема никаков резултат.
„Не можете со ова Обвинителство, со овој обвинител да очекувате резултати во борбата против корупцијата и криминалот. Јас можам да ви набројам можеби 100, 200 пријави кои од страна на институциите се доставени до Обвинителството, а таму нема никаков резултат. Иснтитуциите пријавуваат, но залудно е со овие обвинители. Со овој обвинител тешко“, изјави Мицкоски прашан дали нешто се презема околу недоследностите кои секојдневно се нотираат во извештаите на Државниот завод за ревизија за функционирањето на јавните институции.
Последниот скандал во низата, за кој предупреди Ревизија, е во Национални шуми. Шумари работеле како административци иако биле вработени на позицијата сечачи, дотурачи, редачи и шумски работници. 73 отсто, односно над 250 лица наместо да одат на терен, си седеле во канцеларии. Извештајот покажа дека ЈП „Национални шуми“ е во незавидна финансиска положба – должело 17,5 милиони евра и мора да зема кредити за да исплаќа плати
Сомнителни тендери и злоупотреби на државни пари веројатно имало и со доуредувањето на спортскиот центар Борис Трајковски кога Македонија беше домаќин на Самитот на ОБСЕ во 2023 година. Министерството за надворешни работи, под водство на Бујар Османи, тогаш потрошило над 120 милиони денари, а не се знае што точно било изведено и инсталирано, и дали купената опрема, останала во сопственот на спортскиот центар.
На крајот на минатиот месец, предупредувања имаше и за работата на Фондот за здравство. Државниот завод за ревизија, констатираше низа системски слабости, пропусти и непродуктивно трошење на парите на граѓаните.
