Очаен јавен превоз, сообраќаен колапс, катастрофална хигиена, загаден воздух. Метрополата има низа сериозни проблеми со кои ќе мора да се зафати новиот градоначалник. Скопјани велат дека покрај овие проблеми мора сериозно да се работи и на згрижување на бездомните кучиња, одржување на зелените површини. Дури потоа може да се зборува за нови проекти и развој.
“Се треба да се промени. И загадувањето и хигиената, автобуси те има те нема. Јавниот превоз е без клима, хигиенат треба да е на прво место, комуналната хигиена да се ангажира редовно да ги чисти улиците.Исто така да се регулира урбаниот хаос и водоснабдувањето.”- изјавија граѓаните.
Граѓаните се револтирани од Данела Арсовска, велат дека за четири години не направила речиси ништо освен создавање хаос и политиканство. Се надеваат дека новиот градоначалник ќе биде сосема поинаков.
“Новиот градоначалник само да не биде како Данела. Морам да ја искритикувам бидејќи е најлоша до сега. Стварно треба некој градоначалник што од корен ќе ги реши сите проблеми.”- изјавија граѓаните.
Главната битка за прв човек на Скопје ќе се води меѓу актуелниот градоначалник на Кисела Вода, Орце Георгиевски на предлог на ВМРО-ДПМНЕ и поранешната министерка за животна средина Каја Шукова предложена од СДСМ. И двајцата ветуваат дека од Скопје ќе направат вистинска метропола. Георгиевски освари солидни резултати на досегашната позиција, а Шукова реално не остана запаметена по некој посериозен проект додека беше на челното место во секторот Екологија.
Мила Тодорова
