Кризната состојба која беше прогласена поради пожарите продолжува за уште 30 дена. Владата донесе ваква одлука со образложение дека сè уште постои висок ризик од пожари.
Со ова продолжување се обезбедува навремена помош за сите засегнати подрачја, односно сите ресурси, вклучително и човечки, технички и логистички, остануваат мобилизирани – сè со цел да се справат со пожарите и да се заштити населението од огнените стихии.
„Поради висок ризик од шумски пожари во државата, апелираме до граѓаните да бидат внимателни и да ја почитуваат целосната забрана за движење во шумите и шумското земјиште.
Во спротивно, сите оние кои не се придржуваат кон оваа одлука, која е донесена за спречување на пожари, ќе бидат казнети со парична казна од 1.500 до 2.000 евра“, соопштија од Владата.
