Нови спортски сали, покриени и отворени баезни, реновирање на хотел на Попова шапка, културни центри – освен инвестициите на државно ниво, Владата става фокус и на локалниот, општински развој. Дел од нив, е и новиот спортски објект што ќе никне во срцето на Скопје. Министерството за спорт го постави камен-темелникот за изградба на нова спортска сала во кругот на Воената академија „Генерал Михајло Апостолски“.
„Ова не е само спортски објект, туку и училница за градење карактери. Салата нема да ја користат само спортистите и питомците, туку и учениците од училиштата во населбата Аеродром. Ќе биде отворена и за децата кои рекреативно се занимаваат со спорт“, изјави министерот Ристовски.
Рокот за изградба е 24 месеци, а проектот чини повеќе од 64 милиони денари.
Од Владата велат дека ова е само дел од плановите за зголемување на соработката со локалните самоуправи, каде целта е да се создадат услови за одржлив развој и повисок животен стандард на граѓаните во сите општини. Ќе се вложува во урбани, безбедни и современо опремени јавни простори кои ќе служат за спорт рекреација и култура. Па така, минситерот за одбрана најави дека на владат поминале и два други проекти.
Само во последните месеци се пуштија во употреба повеќе објекти наменети за општините. Наодамна, во Куманово се стави во употреба реконструирана спортска сала. Во Кисела Вода беше пуштен новиот затворен базен во состав на основното училиште „Невена Георгиева Дуња“.Се потпиша и Договор за реконструкција на мултифункционален културен центар во Ново Лисиче, вреден 99 милиони денари.
