Преполни контењери, расфрлан кабаст отпад, непријатна миризба – ваква беше сликата денеска во центраот на Скопје. Откако граѓани на социјалните мрежи алармираа за нечистотија и дека градската комунална хигиена не си ја завршила работата, направивме обиколка. Центарци се жалат дека ѓубрето не се собира редовно и дека тоа е сериозен проблем, особено на пеколни температури. Но порачуваат и сите жители да бидат посвесни и да не фрлаат насекаде отпад.
Инаку скопјани често имаат проблем со преполните контењери и канти за отпадоци пред домовите, кои нередовно се празнат. Пред две години особено беше страшна глетката и ситуацијата, кога вработените во јавното претпријатие за комунална хигиена изглегоа на штрајк, а главниот град се гушеше во смет и смрдеа. Одговорност од Арсовска немаше, а градоначалниците од скопскиот регион тогаш ги засукаа ракавите и сами исчистија во своите општини.
Редакцијата на ”Aлфа”
