🎥 Комунална опрема вредна 11 милиони евра за почиста Македонија

Комунална опрема вредна безмалку 11 милиони евра. Битола, Прилеп, Кичево, Струга, Дебар, Долнени и други рурални општини ќе добијат контејнери, канти, специјализирани возила, односно сè што е потребно за ефикасно собирање, транспорт и одлагање на отпадот од страна на комуналните претпријатија.

Ова е досега најголема ваква набавка во државата, како дел од проект на Министерството за животна средина.

Изет Меџити министер за животна средина, тонско ‘’Оваа набавка која ја реализира Министерството за животна средина и просторно планирање диретно ќе им помогне на 18 општини од југозападниот и пелагонискиот регион да воспостават современ, функционален и еколошки безбеден систем за справување со отпадот по европски стандарди’’

Стручната фела вели дека драматично ќе се подобрат капацитетите на комуналните претпријатија и општините во Југозападниот и Пелагонискиот дел.

Тонско Петровиќ Синиша Фирма Симпекс, Битола, драго ми е што доаѓа до реализација на овој проект се работи за 83 возила што треба да ги добијат комуналните претпријатија во југозападна Македонија.

Македонија е отворена да користи искуства од поразвиените земји, вели министерот. Словенија, на пример, го селектира органскиот отпад кој потоа се претвора во компост кој се користи како ѓубриво.

Изет ‘’имаме многу добри релации и соработка со амбасадорот и со словенечки институции и се согласувам, значи Словенија е успешен пример во однос на зелената агенда, мислам, права зелена агенда не некаква што беше промовирана во минатото кај нас и мислам дека треба да ги искористиме добрите примери, еден од нив е и тоа.

Голем предизвик во иднина ќе биде и обновата на опожарените подрачја за што ќе биде потребна заедничка и координирана акција на сите институции, но и на граѓаните.

Кристијан Ниновски