🎥 Покриен каналот во Арачиново – решен долгогодишен проблем

Целосно е покриен каналот во Арачиново. Инвестицијата од 64 милиони денари е на Владата. Со неа се решава долгогодишниот проблем на речиси 13 илјади жители на селото.

„Тука сме, значи исто така, да изразиме поддршка за Арачиново, дека е во нашиот фокус“ изјави Изет Меџити, вицепремиер и министер за животна средина.

Овој проект е дел од поголем инвестициски циклус. Со над 90 милиони денари од Министерството за животна средина ќе се работи и на изградба на канализација, подобрување на водоводот и други инфраструктурни проекти. Додека со 53 милиони денари од Министерството за транспорт ќе се обновуваат дел од патната мрежа.

‘’Oва само се дел од проектите, или од помошта, што ја дава владата за граѓаните во Општина Арачиново.’’ додаде министерот Изет Меџити.

Наскоро треба да започне реконструкција и на каналот во Хасан Бег, во Сингелиќ, каде досега имаше повеќе несреќни случаи кои однесоа и човечки животи.