Само 19 од 120 пратеници одговориле на прашалникот за зајакнување на улогата на Собранието во евроинтегративниот процес – и покрај тоа што токму Парламентот треба да биде двигател на реформите и транспарентноста.
На денешната презентација на наодите од проценката на едукативните потреби се отворија прашања за капацитетот на пратениците и службите, нивната информираност и подготвеност да ги следат европските стандарди.
Повеќе од 70% од пратениците никогаш не биле на обука поврзана со ЕУ – а интересот, како што велат организаторите, опаѓа.
