Со раст на туризмот од 22 % во првиот квартал годинава, Македонија е рангирана на осмото место од страна на Туристичката канцеларија на ООН.Ова говори дека секторот е меѓу најбрзорастечките гранки во економијата.Ова според премиерот е уште еден доказ и дека владините политики даваат резултати. Владата останува посветена на растот на целата економија,вели Мицкоски.
“Читајќи ги порталите, ми пролета една вест дека ОН и нивната канцеларија за туризам ја вметнала Македонија како осма дестинација за туризам во светот. Kако влада сме сериозно посветени на економијата бидејќи силно веруваме дека имаме огромен потенцијал и тој потенцијал кој што го имаме и како Влада но и човечкиот потенцијал со кој располага државата може да не одведе со гигантски чекори напред и тоа го правиме и такви се првичните идникатори од оваа годинава,за нас гигантски за разлика од чекорењето наназад изминатите седум години”-рече премиерот Мицкоски
Според државниот завод за статистика, бројот на туристите во мај 2025 година изнесува 130 739, од кои 22.4 % се домашни туристи, а 77.6 % се странски. Бројот на ноќевањата изнесува 231 313, од кои 28.8 % се од домашните туристи, а 71.2 %.
Првите 5 месеци од годинава во однос на истиот период лани, вкупниот број на туристите е зголемен за 16.3 %, односно кај домашните туристи има намалување за 1.0 %, а кај странските има зголемување за 23.6 %. Најпосетувани градови се Скопје и Охрид а најбројни се гостите од Турција,Германија, Франција и нашите традиционални туристи, србите. Најпосетувана дестинација во туристичката мека е маниастирскиот комплекс Свети Наум,заливот на коските Музејот на вода „Залив на коските“ кај Градиште кој целосно е реставриран, потоа цркавата Свети Јован Богослов, Канео како и Светиклиментовиот храм Свети Пантелемон на Плаошник.
