По 7-годишна стагнација, Македонија почна да развива, модернизира и трансформира, соопшти ВМРО-ДПМНЕ.
Според нив, за период од една година, владата предводена од ВМРО-ДПМНЕ покажала како со посветена и чесна работа се градат темелите и државата инфраструктурно се трансформира и модернизира. „Пуштен е во употреба дел од автопатот Кичево-Охрид. Делницата Пресека-Песочани ќе се вози по нов автопат. По години на застој, владата предводена од ВМРО-ДПМНЕ успеа да го откочи еден од најголемите и најзаглавените инфраструктурни проекти. Ова ќе значи и повеќе туристи, повеќе работни места, а автопатот ќе го позиционира Охрид како попривлечна и постабилна дестинација за туристи“, соопшти партијата.
Ова е шеста делница што е пуштена во употреба. Пуштени се во употреба и делниците Градско-Фариш, Фариш-Дреново, Страцин-Крива Паланка, Гевгелија-Валандово и Охрид-Свети Наум, нагласуваат од владејачката партија.
