Повторно одложено судењето за родилката од Дебар Веапоска која остана без бубег, матка и јајник-овој пат поради адвокатот на екс директорот на струшката болница Мухамед Асани кој е на седумдневно боледување. Судењето сега се одлага за септември, затоа што од 15-ти јули судиите одат на одмор,со ова маратонскиот судски процес кој се влече цели 3 години не само што е далеку од пресуда, туку може и да застари.Ова е кукавичка тактика на одбраната,целта е да добијат на време, реагира адвокатот на Веапоска кој најави дека ќе реагира до соодветните институции.
“Апсолутно ќе одам до крај, ќе ги испитам сите моменти за издавањето на оваа документација бидејќи апсолутно е симптоматично два дена пред судењето да се разболите на начин што не сте способни да се судите, има можности во правото да се даде замена.Колегите верувам од адвокатските канцеларии имаат свои вработени.Меѓутоа мислам дека и јавниот обвинител треба сериозно да превземе дејствија дали навистина одбраната ги пречекорила своите овластувања, дали одбраната ги злоупотребила правата и дали лекарите дале вистинска медицинска документација” – вели Сашо Јанев,адвокат на Веапоска
Од април 2024-та до сега е одржано само едно рочиште,бидејќи безмалку една година се чекаше супервештачење од судско медицински одбор при Медицинскиот факултет.
“Факт е дека поминало многу време,се менуваа судии,се смена обвинител почнуваше цело време од нови и затоа сметам дека до некого ова треба да допре” –вели судијата Јордан Јованов
Ова се само дел од причините за одлагања на рочиштата.Последното рочиште во јуни се одложипоради отсуство на еден од од обинетите лекари Блертон Асани кој меѓудругото по трет пат го менува адвокатот. Но тоа не е единствената причина, одбраната на екс директорот Мухамед Асани поднела кривична пријава против вештите лица кои што го изготвувале супервешатачењето кое е едно од клучните докази во постапката.Неизвесно е кога ќе продолжи судењето во септември. Скандалот со родилката се случи на 31 август 2020-та година. Од мене направија инвалид-неутешна е Веапоска која на свои 32 години никогаш повеќе не ќе може да стане мајка.
