„Европскиот извештај за нас е срамен, но зборува за ЕУ повеќе отколку за нас. Тие ниту ни ги дале, ниту можат да ни ги одземат идентитетот и јазикот. Само бедно се покриваат со слугите, нашите ‘драги’ соседи. Плаќаме и за ‘дипломатијата’ на Османи од јули 2022 година.“– реагира Солза Грчева, претседателка на партијата „Глас за Македонија и национален координатор за реформи во високото образование, преку личниот и партискиот фејсбук-профил.
Во реакцијата на општествената мрежа Грчева додава: Во оваа пригода се сетив на една британска анегдота, која оди вака: „Некој аристократ се обидувал целиот живот да стане член на елитен клуб. Секоја година го одбивале со бедни објаснувања. Тој остарел, одел веќе со патерици, станал сенка од тоа што бил. Еден ден добил писмо од клубот дека ќе го примат. Неговиот одговор бил: ‘Не сакам да бидам член на клуб, кој прима вакви како мене’.“
