Скопје – метропола по површина, далеку од метропола по изглед… Смет, прашина, полни контењери, наместо модерен и европски главен град.
Од точка А до точка Б да се стигне во Скопје стана научна фантастика… Се ветуваше решавање на сообраќајниот хаос, пет нови модерни булевари, но наместо тоа гужви, редици и нервозни возачи. Додека Арсовска снима дивоградби низ Чаир, на пеколни температури, скопјани чекаат по автобуските станици за да стигнат до работа, лекар, во школо…кога конечно ќе стигне автобусот, возењето е во нехумани услови, а патниците се буквално како сардини . Ни по речиси четири години од мандатот ги нема 250 еколошки автобуси по скопските улици
Квалитетен, удобен, навремен, но пред се бесплатен јавен превоз беше едно од главните ветувања на актуелната градоначалничка . Секојдневието е агонија дали воопшто ќе дојде автобус
Најголемиот проблем за Скопјани е нехигиената и нередовниот јавен превоз. Велат дека не се задоволни од работата на градоначалничката, а од новиот градоначалник очекуваат дека ќе ги реши проблемите на граѓаните кои изминатите години само се таложат.
И додека граѓаните бараат решение за нивните проблеми, градоначалничката конечно почнавме да ја гледаме во јавност, но веројатно само за она што неа ја интересира….Актуелни функционери алармираат дека Арсовска ова го прави затоа што се користи како инструмент од ДУИ за дестабилизација пред локалните избори, а таа возвраќа дека трпела закани.
Скопјани сакаат да живеат во убав, модерен и европски град . Практично, тоа го добија и како ветување во предизборието, дека ,метрополата ќе биде зелен град повторно…. наместо тоа, гледаат слика на нечистотија и хаос по улиците
Главните ветувања на Арсовска пред да седне на градоначалничката фотелја покрај бесплатниот јавен и еколошки превоз беа и пет мега паркови. Скопје требаше да има најдобар луна парк на Балканот, зелен град и град на велосипеди, немаше да има булевар во Скопје без велосипедска патека, дури се ветуваа и 1000 бесплатни електрични велосипеди и тротинети годишно, а требаше да имаме и модерни автобуски постојки…. Што се не е исполнето од програмата за „ Модерно Скопје“ , Алфа веќе три дена чека одговор од кабинетот на Арсовска, но од градските служби молк, исто како и за прашањето зошто не лоцира дивоградби во останатите општини.
