ЕВН: АД ЕСМ даде најповолна понуда за електрична енергија од 62 евра за мегаватчас

Се поизвесно е дека струјата нема да поскапи. Од ЕВН Хоме како Универзален снабдувач, информираат дека на тендерот за набавка на електрична енергија за задоволување на потребите на корисниците за периодот од јули до декември 2025 добила најповолна понуда од АД ЕСМ со купопродажна цена од 62 евра за мегаватчас, за покривање на 100% од вкупно планираните количини. Оваа цена е идентична со претходната која беше добиена на последниот тендер. Во крајната цена ќе влезат цената по која АД ЕСМ ја продава струјата на ЕВН Хоме, цената на Преносниот оператор МЕПСО, цената на Операторот на пазар на електрична енергија МЕМО, како и цената на Дистрибутивниот систем оператор Електродистрибуција.