Министерката за финансии Гордана Димитриеска-Кочоска и гувернерот на Народната банка Трајко Славески денеска претпладне одржаа работна средба на која се согласиле дека за поефикасна економија е клучно да постои ефикасна координација меѓу монетарната и фискалната политика.
На средбата, двајцата функционери размениле мислења за тековните економски предизвици и ја истакнале заедничката заложба за продолжување и дополнително зајакнување на соработката меѓу Министерството за финансии и Народната банка.
Целта на оваа координација, како што било истакнато, е носење одржливи политики кои ќе бидат во интерес на граѓаните и македонското стопанство. Активностите во оваа насока ќе продолжат и во наредниот период.
