СДСМ останува на страната на криминалот и корупцијата. СДСМ единствено на чија страна останува е таа на инкриминираната нивна партиска елита, стои во реакцијата на соопштение на СДСМ.
„СДСМ не го интересира како живее народот, СДСМ го интересира каде Филипче и Заев ќе ги инвестира украдените пари. Седум години СДСМ ја пљачкаше државата и го осиромашуваше народот, ги деградираше институции и ја уништуваше економијата, додека неговата партиска елита се богатеше на грбот на граѓаните“, потенцираа од владејачката партија.
„Со украдените пари од државата и народот, сега градат облакодери од 50 ката по Дубаи, добиваат златни визи од таму и уживаат по нивните златни песоци и под палмите на топлите плажи.
Додека елитата на СДСМ се богатеше, економијата се уништуваше, народот осиромашуваше така што околу 600 илјади граѓани оставија на работ на сиромаштија.
СДСМ е партија во чие време на владеење до зголемија ДДВ на прехранбените производи од 5 на 10%, и со тоа директно влијаеја на поскапувањето на околу 1500.
За разлика од минатото, сега граѓаните и бизнис секторот имаат партнер во владата предводена од ВМРО-ДПМНЕ. Заеднички се носат одлуки и мерки во интерес на сите засегнати страни.
Платите и пензиите растат, се преземаат мерки за намалување на цените на производите, се инвестира во заживување на економијата.
Следи инвестициски циклус од околу шест милијарди евра во изградба на големи капитални инфраструктурни проекти, како што е изградба на брзата железница од Коридорот 10, кој директно ќе влијае на раст и развој на економијата кој ќе донесе раст на БДП и со тоа и подобар животен стандард.
СДСМ беа и продолжуваат да бидат единствено на страната и во заштита на криминалот и корупцијата“, се наведува во реакцијата на ВМРО-ДПМНЕ.
