Со Договорот за стратешко партнерство со Велика Британија ќе отвори можност за преку 70 проценти од домашните компании да учествуват во реализација на инфраструктурните проекти. Само за споредба, сега има не повеќе од 49 проценти учество, а на некои проекти само до 10 проценти работат наши компании. Со ова очекувам македонското градежништво повторно да стане конкуретно, истакна вицепремиерот и министер за транспорт Александар Николоски.
Тој најави дека во перидот што следи ќе се разговара со бизнис коморите и ќе се поканат сите домашни компании да се мобилизираат во изградбата на државата.
„Ова ќе е најголем простор за локална компонента воопшто виден во Македонија. Премиерот веќе најави дека ние за скоро време ќе поразговараме со стопанските комори, со бизнисот, да ги презентираме овие проекти и да ги поканиме да се вклучат затоа што треба сите да се ангажираат и да се мобилизираат и да видиме колкав е апсорбниот капацитет на нашите компании, но и нашите компании ќе растат.
Една од работите која што ни е договорена, покрај знаење ќе се трансферираат и добра кон нашиите комапнии во смисла ќе се стават на располагање машини до кои што нашите компании не можат да дојдат дури и да имаат пари. Ќе се стават на располагање инженери кои што може да постават нови системи на работа до кој што нашите компании исто така не можат да дојдат, така што очекувам ова што го правиме со Велика Британија да го трансферира и бизнисот.
Моите очекувања се дека после еден до два инвестициски циклуси кои се обично во пет години, значи после 5 до 10 години македонското градежништво повторно да е меѓународно конкурентно и наместо да гледаме странски фирми да доаѓаат да работат во Македонија, да гледаме македонски фирми кои што одат да работат надвор“-истакна вицепремиерот Николоски.
