Денеска ќе биде донесена пресудата за повторениот судски процес за пожарот во модуларната болница во Тетово, во која животот го заагубија 14 лица кои што се лекувале од Коронавирус.
Во понеделникот се одржа главната расправа за повторното судење на овој случај. Таа заврши со давање завршни зборови на обвинителството, одбраната на обвинетите флорин Бесими, Артан Етеми и клиничка болница Тетово, како и на застапниците за лицата што настрадаа во пожарот.
Судијата Реџеп Муса најави дека пресудата ќе ја соопшти денеска.
Во своите завршни зборови, обвинителството тврди дека доказите понудени во текот на судењето потврдиле дека двајцата директори не поставиле противпожарни апарати во објектот и со тоа сториле тешки дела против општата сигурност.
Јавниот обвинител побара двајцата поранешни директори на болницата во Тетово да бидат прогласени за виновни.
