Премиерот на Република Македонија, Христијан Мицкоски, информира дека заклучно со првиот квартал од 2025 година, јавниот и државниот долг се значително намалени. Според податоците, јавниот долг изнесува 57,7% од бруто домашниот производ (БДП), додека државниот долг е 50,1% од БДП. Ова е најниско ниво во последните пет години.
Во однос на 2020 година, јавниот долг е намален за 2 процентни поени, а државниот за 0,7 процентни поени.
„Ова се јасни индикатори за стабилизирање на македонската економија,“ изјави премиерот Мицкоски.
„По првата фаза на стопирање на економскиот пад кој траеше седум години, веќе сме во фаза на консолидирање што се одвива побрзо од очекуваното. Следува период на развој и реализација на стратешките цели во рамките на овој мандат“, изјави Мицкоски.
Владата останува посветена на спроведување дисциплинирани и развојно насочени економски политики. „Горда Македонија е богата Македонија. Македонија станува повторно твоја“, изјави Мицкоски.
