Пратеникот Бојан Стојаноски истакна дека имаме можност денес да дебатираме по поднесената интерпелација за министерот Панче Тошковски. Според него, неколку работи треба да бидат јасно и директно изречени, за да се растурат некои од претпоставките што се создаваат во јавноста, како и да се објасни целта на оваа интерпелација.
Тој нагласи дека постојат многу моменти на неискреност и многу зборови кои се користат во досегашните дискусии, како што се морал и одговорност. За жал, според него, во текот на последните десет години се гледа пример како треба да се постави државата по вакви трагедии, како што било во претходниот период, но исто така се забележува и одвратна малодушност и политичка калкулација која преминува во мизерни и нечовечки особини.
Пратеникот Стојаноски беше категоричен дека поднесената интерпелација ќе биде документиран доказ за „глодарство“ и „злоба“ од политички актери кои немаат друг интерес освен да профитираат политички.
„Интерпелацијата ќе биде писмен доказ за глодарство, злоба и бескрупулозност од политички актери кои што немаат никакви други цели освен да се обидат да профитираат политички“, додаде Стојаноски.
