Речиси половина од испитаниците (40,3%) сметаат дека високите цени се резултат на превисоките маржи на трговците. Две третини од испитаниците во анкетата на МКД.мк ја поддржуваат владината мерка за замрзнување на маржите на одредени производи.
Над 40% од испитаниците сметаат дека производите опфатени со мерката за замрзнување на маржите се добро избрани, додека 13,2% не се согласуваат со изборот на производи што се вклучени во оваа мерка. Од нив, најголемиот дел, односно 39,4%, изјавиле дека треба да се замрзнат цените на сите производи, а не само на дел.
Анкетата покажува дека 40,3% од испитаниците сметаат дека високите цени најмногу се должат на превисоките маржи на трговците.
Истражувањето беше спроведено од 20 март до 17 април преку CATI метод (телефонско анкетирање со помош на компјутер) на примерок од 1.200 испитаници. Статистичката грешка на истражувањето е 3%, а интервалот на доверба е 95%.
Примерокот е репрезентативен за Македонија според: регион, пол, возраст и етничка припадност, согласно податоците од пописот на населението во 2021 година.
