Претседателката Гордана Сиљановска-Давкова утре ќе присуствува на погребната миса во чест на Неговата светост папата Франциск, која ќе се одржи пред базиликата Свети Петар во Ватикан.
Како што соопшти Кабинетот на претседателката Сиљановска-Давкова, со мисата ќе претседава Неговото Високопреосвештенство кардинал Џовани Батиста Ре, декан на Колеџот на кардиналите.
На последното испраќање на папата на плоштадот Свети Петар најавено е присуство на бројни светски лидери, претседатели и премиери, членови на кралски семејства, верски водачи и околу 200.000 верници.
Папата Франциск, согласно неговата последна желба, ќе биде погребан во базиликата Санта Марија Маџоре во Рим.
