Вицепремиерот и министер за транспорт, Александар Николоски, престојува во дводневна работна посета на Обединетото Кралство, каде што реализира значајни средби со британски претставници. Целта на посетата е продлабочување на билатералните односи и унапредување на соработката меѓу двете земји.
Николоски објави видео од средбите, истакнувајќи ја важноста на разговорите што водат кон зајакнување на економската соработка и отворање можности за нови инвестиции.
„Интензивна агенда, многу продуктивни средби и разговори за стратешки проекти, економски развој и идни партнерства. Заеднички работиме на подобрување на економијата и креирање нови инвестициони можности“, напиша Николоски.
