Македонската банкарска асоцијација основаше фондација „Заедно за едно“ за поддршка на повредените и на семејствата на загинатите во трагедијата во Кочани. Целта на основањето на фондацијата е континуирана помош, а средствата кои ќе бидат собрани преку донации ќе бидат наменети исклучиво за помош и поддршка во рехабилитацијата и медицинските третмани поврзани со последиците од пожарот, поддршка на менталното здравје на настраданите и на нивните семејства, како и поддршка во образованието и професионалната реинтеграција на настраданите.
„Нема зборови што можат да ја утешат тагата на оние што загубија свој најмил, нема доволно дела што можат да ја ублажат болката. Но, она што можеме да направиме е да помогнеме и да покажеме дека не се сами, и сега и во иднина“, изјави Маја Стевкова Штериева, претседател на Македонската банкарска асоцијација.
