Игор Стефановски Иџе започнува нова сезона во Франција. Потрагата по четртата титула во Европскиот шампионат на ридски патеки.
Овој викенд, Игор Стефановски Иџе го започнува новото поглавје на својата кариера во ФИА Европскиот шампионат на ридски патеки (еHC), со цел да ја освои четвртата титула.
Летечкиот Македонец, Иџе, пред себе има нов предизвик, трката во Франција на патеката Сан Жар Ду Гард. Токму таму ќе го започне својот најнов поход во шампионатот кој вклучува 11 трки оваа сезона. Првата трка ќе се одржи на 12 април 2024 година, а сезоната ќе заврши во септември со трката во Хрватска.
Овој пат, Иџе ќе се натпреварува со својот легендарен Ферари 488 B8, автомобил дизајниран специјално за ридските патеки. Минатата година, Стефановски се закити со титулата победник во Европскиот шампионат на ридски патеки во група 1, и оваа сезона не ги крие своите амбиции да ја одбрани титулата.
„Со голема возбуда, сакам да најавам дека очекувам успешна трка. Целта ми е да постигнеме одлични резултати и во оваа сезона. Благодарност до мојот неверојатен тим, тимот на Ферари, моите спонзори и сите кои не поддржуваат“, вели Иџе.
Македонскиот автомобилист Игор Стефановски – Иџе минатата година го заврши Европскиот шампионат како победник во својата група. Со своето Ферари 488 Челинџ Ево, тој го освои лидерското место, пред Чехот Рони Братшчи, кој беше втор, додека третото место му припадна на Хрватот Домагој Перековиќ.
„Тимот на Видеолотарија Касинос Австрија и оваа година силно верува во него. Горд сме што повеќе од една деценија заедно ја следиме и поддржуваме Иџе и Македонија“, велат тие.
