Филипче не може да преземе одговорност за решавање на спорот со Бугарија, бидејќи таква одговорност не добил од народот, се вели во реакцијата од ВМРО-ДПМНЕ, во врска со обраќањето на Филипче во Брисел, во кое ја обвинува владата за наводно „самонаметнато вето“ и „откажување од европските интеграции“. ВМРО-ДПМНЕ смета дека јавноста заслужува одговор, кој се темели на факти, вистински вредности и државничка одговорност. Прво, апсурдно е токму СДСМ, партијата која капитулираше пред секој услов, која со бришење на македонскиот јазик од институционални формулации, и која дозволи вметнување на билатерални прашања во европскиот процес, да зборува за европска стратегија и достоинство. Ако денес сме заглавени во процесот, тоа е поради штетниот и непреговаран договор од 2022 година, потпишан токму од СДСМ, без внатрешен консензус и спротивно на јавното мислење. Уставните измени не се закачени од ВМРО-ДПМНЕ, туку од недовербата на народот во процесот што СДСМ го водеше – без транспарентност, без одговори и со тајни додатоци, се вели во реакцијата од владеачката ВМРО-ДПМНЕ.
