За време на претресот во домот на сопственикот на т.н. кабаре „Пулс“ во Кочани, полицијата вчера одземала лаптоп-компјутери, повеќе мобилни уреди, документација и други предмети. За време на претресите, како што информираат од МВР, одземени се и одредени предмети од возилото на сопственикот и два угостителски објекти. Пронајдена и одземена е и финансиска документација. „На 25.03.2025 од страна на полициски службеници извршени се претреси во домот на Д.Ј., неговото возило „Инсигниа“ и два угостителски објекти, како и во Државен пазарен инспекторат – Канцеларија Кочани, информираат денеска од Министерството за внатрешни работи. Од канцеларијата на државниот пазарен инспекторат во Кочани полицијата одземала еден компјутер, еден лаптоп и еден таблет, како и целата документација поврзана со правните субјекти во сопственост на Д.Ј.
