Македонските фудбалери го одработија најтажниот тренинг досега.
Фудбалската репрезентација на Македонија се собра во Скопје, согласно утврдениот план и агенда за стартот на квалификациите за Светското првенство. Првиот предизвик за нашите најдобри фудбалери е гостувањето во Вадуц, каде ќе се соочат со селекцијата на Лихтенштајн в сабота.
Селекторот ги собра репрезентативците денес во скопскиот хотел „Хилтон“, а попладнево се одржа тренинг што ќе остане запаметен како најтажниот во поновата македонска фудбалска историја.
На социјалните мрежи беше објавена фотографија од пред почетокот на тренингот, со следната порака:
„Обединети во тагата!
Со срце исполнето со болка и спомен ја споделуваме тагата со семејствата и блиските на настраданите. Нивниот светол дух ќе живее во нас.
Нека почиваат во мир.“
