Петмина осомничени од утрово се спроведоа во судот во Кочани пред судија на претходна постапка. Еден од сопствениците на Агенцијата која го обезбедувала објектот, како и вработените. Еден од нив одговори на новинарското прашање „Дали се чуствуваат за виновни?“.
„Не се чувствуваме виновни, ние сме херои, спасивме повеќе од 200 луѓе. Јас до последен момент останав во огнот за да ги извадам сите деца, да ги спасувам како мои. Имам две малолетни деца“, рече еден од осомничените.
Претходно на прес-конференција министерот за внатрешни работи, Панче Тошковски, изјави дека се осомничени 23 лица.
„Во моментов се осомничени 23 лица, 11 се во притвор и нема да застанеме тука како што ми стои работава. Во текот на денешниот ден, нема да застанеме со процесни дејствија, односно констатиравме дека системот во Македонија е корумпиран на тоа ниво што можеме да кажеме дека имаме катастрофална состојба во делот на постапување огромен број на институции кои согласно закон требало да ги следат ставање на функција на дискотеката, особено во делот на заштита при евентуален пожар, поради што и во текот на денешниот ден ќе има доста голем број на лица кои ќе бидат приведени и од МВР, и од други институции. Но сега не би сакал да откривам детали“, изјави Тошковски.
