Премиерот Христијан Мицкоски денеска истакна дека инвестициите во образованието се меѓу главните приоритети на Владата. Тој додаде дека во моментов се градат седум нови училишта, а во тек е и реконструкција на неколку образовни установи.
„Инвестициите во образованието за нас претставуваат значајна ставка. Пред неколку дена имав состанок со министерката за образование. Ќе направиме ревалуација на проектите поврзани со зградите на факултетите ФИНКИ и ФФК. Очекувам оваа година да биде распишан тој тендер, како и тендерот за кампусот „Мајка Тереза“, рече премиерот.
Мицкоски додаде дека пратеникот Александар Велјаноски од Тетово го информирал за подготвеноста на општествено одговорна компанија да ја финансира реконструкцијата на гимназијата „Кирил Пејчиновиќ“. „Набргу таа донација ќе биде ставена на дневен ред на Советот на Општина Тетово, и на тој начин ќе биде исправена уште една „неправда“, нагласи Мицкоски
