ССМ преповторува тези на СДСМ, целта им е да го закочат развојот на државата. Барањата за субвенционирани придонеси од страна на владата се камен за сопнување смислен од СДСМ, а реализиран од ССМ, кој е препознаен од народот како манипулација, изјави Бране Петрушевски, пратеник на ВМРО-ДПМНЕ.
„Крајниот план на СДСМ е застој во развојот на државата, а ССМ под палка на Слободан Трендафилов кој одработува за неговата позиција е само алатка.
СДСМ има за цел преку ССМ да ја закочи државата десетици милиони евра наместо во развој да се трошат на придонеси.
СДСМ сака да нема нови патишта, болници, училишта, градинки. СДС сака да го запре развојот, кој веќе е воочлив.
СДСМ не може да се помири со фактот што државата тргна напред, а економскиот раст во последните два квартали од минатата година е над 3%.
СДСМ се свесни дека со вакво темпо на развој на државата, тие уште толку ќе потонат во заборав, па преку вештачки наметнати теми сакаат да бидат актуелни. И за таа тема го користат ССМ и Трендафилов.
Слободан Трендафилов ја злоупотребува својата позиција во ССМ и го внесува синдикатот во непринципиелни сојузи со политичките партии СДС и Левица“, додаде во изјавата.
За претседателското место во ССМ, Трендафилов дебело одработува за СДСМ. И тој и врвот на СДСМ се коцкаат со иднината на државата. За среќа на државата, прочитани се и народот не ги есапи, потенцира Петрушевски.
